Яқин ойларда Украина Президенти алмашиши мумкин
АҚШ Зеленскийнинг ўрнига бошқа номзод кўрмоқда.
Журналист Сеймур Херш Вашингтондаги манбаларга таяниб, Украинанинг Буюк Британиядаги элчиси ва Украина армиясининг собиқ бош қўмондони Валерий Залужний Украинанинг навбатдаги президенти бўлиши мумкинлигини маълум қилди. Унинг сўзларига кўра, у бир неча ой ичида бу Владимир Зеленскийнинг ўрнини эгаллаши мумкин.
Журналистнинг қўшимча қилишича, агар АҚШ президенти Доналд Трамп шундай қарор қабул қилса, Владимир Зеленский ўз лавозимини тарк этади. Журналистнинг суҳбатдошларидан бири эса жаноб Зеленский “зўрлик билан” лавозимидан четлатилиши мумкинлигини айтди.
“Қўшма Штатлар Украинанинг амалдаги раҳбарини ўз хоҳиши билан кетишга мажбурлаши мумкин. Залужний ҳозир Зеленскийнинг ўрнига энг ишончли ворис сифатида кўрилмоқда”, деб ёзади журналист ўз мақоласида.
Эслатиб ўтамиз, Зеленскийнинг ваколат муддати ўтган йилнинг 20 майида тугаганди. Украинада 2024 йилги президентлик сайловлари ҳарбий ҳолат ва умумий сафарбарлик сабаб бекор қилинган.
