Трамп ва Путин Хитойда учрашиши мумкин
Улар сентябрь ойида Пекинга бориши кутилмоқда.
АҚШ ва Россия президентлари Иккинчи жаҳон уруши якунланганининг 80 йиллигига бағишланган тадбирларда иштирок этиш учун Пекинга ташриф буюриши кутилмоқда. Бу ҳақида Сербия президенти Александр Вучич маълум қилди.
“Мен 1— 6 сентябр кунлари Хитойда бўламан. Ҳозиргина менга Россия президенти ҳам ўша ерда бўлиши мумкинлигини айтишди, эҳтимол, у ерда Путин билан учрашаман. Трамп ҳам Хитойга бориши мумкинлигини эшитдим, лекин бу аниқ эмас.
3 сентябр куни Си Цзиньпин кечки овқат уюштиради ва у ерда ҳаммамиз бўлишимиз керак. Менга, шунингдек, 5 сентябрь куни Хитойда дунёдаги йирик давлатлатдан бирининг етакчиси билан ҳам кечки овқат уюштирилиши режалаштирилганини айтишди. Шу сабабли, мендан 5 сентябргача қолишимни сўрашди. Хавфсизлик нуқтаи назаридан ҳозирча бу етакчи ким эканлиги очиқланмаяпти”, — деди Вучич журналистлар билан суҳбатда.
Аввалроқ Қўшма Штатлар президенти Доналд Трамп Хитойга бориши мумкинлигини тасдиқлаганди.
