Бухорода кўзи ожиз аёл қўшнисини пичоқлаб ўлдирди
Воқеадан олдин улар бирга спиртли ичимлик истеъмол қилган.
Ўзбекистон Республикаси Олий судининг матбуот хизмати маълум қилишича, Бухоро вилояти Когон шаҳрида яшовчи 68 ёшли кўзи ожиз аёл қўшниси билан келиб чиққан жанжал оқибатида уни пичоқлаб ўлдирганликда айбдор деб топилди.
Суд материалларига кўра, марҳума кўп маротаба спиртли ичимлик истеъмол қилган ва айбланувчининг уйига ёрдам сўраб мурожаат қилиб келган. Юз берган воқеа чоғида улар биргаликда ичкилик истеъмол қилган ва ўзаро келишмовчилик натижасида можаро келиб чиққан. Айбланувчи жаҳл устида қўшнисига ошхона пичоғи билан тан жароҳати етказган, оқибатда жабрланувчи воқеа жойида вафот этган.
Суд жараёнида айбланувчи қилган ишидан чин кўнгилдан пушаймонлигини билдирган. Жиноят Ўзбекистон Республикаси Жиноят кодексининг 97-моддаси (қасддан одам ўлдириш) билан квалификация қилинди. Шу билан бирга, Жиноят кодексининг 57-моддаси (жазони енгиллаштирувчи ҳолатлар) инобатга олинган, унга 5 йил муддатга озодликдан маҳрум қилиш жазоси тайинланди.
