Туркия Суперлигаси: Шомуродов гол урган ўйинда "Башакшеҳир" яна ғалаба қозонди
Элдор илк дақиқаларданоқ ҳисобни очди, жамоа эса муҳим уч очкони қўлга киритди.
Туркия Суперлигасининг 18-турида “Истанбул Башакшеҳир” ўз майдонида “Фатиҳ Карагумрук”ни қабул қилиб, 2:1 ҳисобидаги ғалабага эришди. Учрашув мезбонлар учун муваффақиятли бошланди ва жамоа навбатдаги муҳим уч очкони жамғарди.
Беллашувнинг 15-дақиқасидаёқ Ўзбекистон терма жамоаси ҳужумчиси Элдор Шомуродов аниқ зарба билан ҳисобни очди. Иккинчи бўлимда ҳам «Башакшеҳир» фаол ўйин кўрсатди. 57-дақиқада Аббос Файзуллаев алмаштирилди, Шомуродов эса 89-дақиқада захирага олинди.
Меҳмонлар 75-дақиқада Фофана орқали жавоб голини уришга муваффақ бўлди. Бироқ учрашув сўнгида, 87-дақиқада Шаҳинернинг голи «Башакшеҳир»га ғалабани тақдим этди ва ўйин тақдирига нуқта қўйди.
Ушбу натижадан сўнг Нури Şаҳин шогирдлари очколари сонини 26 тага етказиб, турнир жадвалида 6-ўринга кўтарилди. Атиги 9 очкога эга “Фатиҳ Карагумрук” эса Суперлига жадвалининг энг қуйи поғонасида қолмоқда.
