АҚШ Адлия вазирлиги Эпштеин иши бўйича 3 миллион файлни эълон қилди
Ҳужжатларда Доналд Трамп, Билл Гейтс ва Элон Муск исмлари ҳам тилга олинган.
АҚШ Адлия вазирлиги болаларни зўрлашда айбланаётган Жеффри Эпштеин устидан терговга оид янги ҳужжатлар сериясини эълон қилди. Бу ҳақда СNN хабар берди.
Бош прокурор ўринбосари Тодд Бланчнинг маълум қилишича, 3 миллиондан ортиқ файл, жумладан 2000 дан ортиқ видео ва 180 000 расм нашр этилган, баъзилари махфий ҳолатда.
Ҳужжатларда Эпштеин қурбонлари ҳақидаги шахсий маълумотлар, фотосуратлар ва видеолар мавжуд. Шунингдек, материалларда АҚШ президенти Доналд Трамп, Misrosoft асосчиси Билл Гейтс ва Tesla ҳамда SpaseX бош директори Элон Мускнинг исмлари тилга олинган. Баъзи ҳужжатлар Эпштеиннинг ҳибсга олиниши, ўз жонига қасд қилиши ва оккультизм ҳамда инсон қурбонлиги билан боғлиқ воқеаларни ўз ичига олади.
Бланч таъкидлашича, ҳужжатлар эълон қилинишидан олдин Оқ уй Адлия вазирлигининг ишига аралашмаган. Нашр қилинган материаллар орасида Эпштеиннинг Гейтс билан муносабатларига оид даъволар мавжуд бўлсада, миллиардернинг вакили бу иддаоларни рад этган. Шунингдек, Элон Мускнинг Эпштеинга юборган хати ва оролга ташриф билан боғлиқ таклиф рад этилгани маълум қилинган.
Эпштеин 2019 йил июль ойида ҳибсга олинган ва 2019 йил 10 августда қамоқхонада вафот этган. Унга қарши жиноий ишлар ва терговлар давомида кўплаб америкалик ва хорижий шахслар, жумладан собиқ давлат раҳбарлари, бизнес етакчилари ва машҳурлар номи тилга олинган.
