"Барселона" бош мураббийи ишдан кетиши мумкин
Германиялик мутахассис Ханс-Дитер Флик Хуаннинг келажаги клуб президентлиги сайловлари натижасига бевосита боғлиқ экани айтилмоқда.
Испаниянинг «Барселона» клуби мавсум якунида бош мураббий Ханс-Дитер Фликсиз қолиши мумкин. Бу ҳақда Marca нашри хабар бермоқда.
Манбаларга кўра, германиялик мутахассиснинг келажаги клуб президенти сайловлари натижасига бевосита боғлиқ. Агар амалдаги президент Хуан Лапорта ўз лавозимида қолмаса, Флик ҳам жамоани тарк этиши мумкин.
Қайд этилишича, Флик ўзини Лапорта жамоасининг бир қисми деб ҳисоблайди ва айнан унинг раҳбарлиги давом этган тақдирдагина «Барселона»даги фаолиятини давом эттиришга тайёр. Клуб президентлиги сайловлари 15 март куни бўлиб ўтади.
Ханс-Дитер Флик 2024 йил ёзидан буён Каталония клубини бошқариб келмоқда. Томонлар ўртасидаги амалдаги шартнома 2027 йил июнь ойига қадар мўлжалланган.
