Украина Донбассни Россияга бериши мумкин — The Atlantic
Қарор 2026 йил баҳорида референдум орқали ҳал қилиниши мумкин.
Украина президенти Владимир Зеленский тинчлик музокаралари доирасида Донетск вилоятининг шарқий ҳудудлари бўйича муросавий вариантларни кўриб чиқиши мумкин. Бу ҳақда The Atlantic нашри Украина раҳбарига яқин манбаларга таяниб хабар берди.
Манбаларга кўра, Киев эҳтимолий келишув доирасида Донетск вилоятининг айрим ҳудудлари устидан назорат масаласида ён бериш вариантини муҳокама қилмоқда. Мазкур қарор эҳтимолий тинчлик битимига эришиш йўлида энг мураккаб сиёсий қадам сифатида баҳоланмоқда.
Шунингдек, Украина расмийлари 2026 йил баҳорида ҳудудий келишувлар масаласини референдумга қўйишни кўриб чиқаётганини таъкидлади. Ушбу ташаббус президентлик сайловлари билан бир вақтда ўтказилиши ҳам мумкин.
Маълумотларга кўра, Киев аввал илгари сурилган айрим талабларни, жумладан, Россия раҳбарияти ва ҳарбий қўмондонлигини уруш жиноятлари учун жавобгарликка тортиш масаласидан деярли воз кечгаби билдирилди.
Украина ва Россия ўртасидаги музокаралар минтақадаги узоқ муддатли барқарорликни таъминлашга қаратилган муҳим босқич сифатида баҳоланмоқда.
