Украиналиклар Донбасснинг топширилишини ҳеч қачон кечирмайди — Зеленский

 

 

Украина президенти Владимир Зеленский Ахios нашрига берган интервьюсида Донбасс ҳудуди бўйича келишувлар борасидаги позициясини маълум қилди. Президентнинг сўзларига кўра, Украина халқи Донбассдан қўшинларни бир томонлама олиб чиқиш ва минтақани Россияга топширишни назарда тутувчи ҳар қандай тинчлик келишувини рад этади.

 

“Ҳиссий жиҳатдан одамлар буни ҳеч қачон кечирмайди. Бу бизнинг мамлакатимизнинг бир қисми — ер, байроқ ва барча фуқаролар”, — дея таъкидлади Зеленский.

 

Украина раҳбари шунингдек, ҳудудий масалада ютуқга эришишнинг энг яхши йўли Россия Президенти Владимир Путин билан шахсий учрашув эканлигини яна бир бор қайд этди. Зеленский келажакдаги ҳар қандай келишув миллий референдум орқали тасдиқланиши кераклигини эслатди ва агар бу келишув фақат Донбассдан Украина қўшинларини олиб чиқишни назарда тутса, у суверенитет ва фуқаролардан воз кечиш сифатида қабул қилинишини айтди.

 

Ахios'га берган 37 дақиқалик телефон интервьюсида Зеленский шунингдек, АҚШнинг Вашингтондаги воситачилик саъй-ҳаракатлари давомида ўзига босим бўлмаганини ва у “осонгина таслим бўладиган одам эмаслигини” таъкидлади.