Ўзбекистон фуқароси АҚШ санкциясига учради
АҚШ бу қарорни ноқонуний кибер фаолият билан изоҳламоқда.
АҚШ Молия вазирлигининг Хорижий активларни назорат қилиш бошқармаси — ОFАС Россияга қарши санкциялар рўйхатини кенгайтириб, тўрт нафар шахс ҳамда учта компанияни чекловлар рўйхатига киритди. Бу ҳақда РБС нашри хабар берди.
Санкциялар рўйхатига Россияда рўйхатдан ўтган Matrix (Operation Zero) компанияси, шунингдек, БАА ҳудудида жойлашган Advance Security Solutions вa Special Technology Services компаниялари киритилган.
Шунингдек, рўйхатга Россия фуқаролари Сергей Зеленюк, Олег Кучеров, Марина Васанович ҳамда Ўзбекистон фуқароси Азизжон Мамашоев киритилган.
АҚШ расмийларининг баёнотига кўра, санкциялар ноқонуний кибер фаолият билан боғлиқ. Хусусан, Сергей Зеленюк “Operation Zero” лойиҳаси орқали дастурий таъминотдаги заифликлардан рухсатсиз кириш, маълумотларни ўғирлаш ёки электрон қурилмаларни бошқариш имконини берувчи эксплоитларни сотишда гумон қилинмоқда.
Маълумотларга кўра, унинг компанияси 2022–2025 йиллар оралиғида америкалик мудофаа пудратчисидан ўғирланган саккизта эксплоитни 1,3 миллион доллар эвазига сотиб олган.
Марина Васанович Зеленюкнинг ёрдамчиси сифатида, Special Technology Services эса у томонидан бошқариладиган тузилма сифатида санкциялар рўйхатига киритилган.
АҚШ расмийлари, шунингдек, Азизжон Мамашоев Адвансе Security Solutions компаниясини назорат қилиши ва ушбу компания ҳам кибер эксплоитлар савдоси билан шуғуллангани айтилмоқда.
Бундан ташқари, Олег Кучеров Trickbot хакерлик гуруҳи билан алоқадор шахс сифатида қайд этилган. АҚШ томони мазкур чораларни ноқонуний кибер фаолиятга қарши кураш доирасида қўлланилганини таъкидлади.
