АҚШ Эрон билан музокараларни қайта бошлаш учун бешта шарт илгари сурди
Ушбу таклифлар бажарилган тақдирда ҳам, минтақадаги кескинлик тўлиқ бартараф этилиши кафолатланмаган.
Фарс ахборот агентлиги хабарига кўра, Вашингтоннинг расмий жавобида музокаралар фақат бир қатор шартлар бажарилгандагина тикланиши мумкинлиги қайд этилган.
Ушбу шартлар орасида АҚШ томонидан ҳар қандай компенсация ёки етказилган зарарни қоплашдан воз кечиш, шунингдек, Эрон АҚШга 400 килограмм бойитилган уранни топшириш талаби мавжуд.
Бундан ташқари, Эрон ядровий инфратузилмасининг фақат битта объектини фаол ҳолатда сақлаш, музлатилган активларнинг тўлиқ ёки қисман (камида 25 фоиз) қайтарилмаслиги ҳамда ҳарбий ҳаракатларни тўхтатиш музокаралар жараёнига боғланиши каби бандлар келтирилган.
Маълумотларга кўра, ушбу таклифлар бажарилган тақдирда ҳам, минтақадаги кескинлик тўлиқ бартараф этилиши кафолатланмаган.
Шу билан бирга, Эрон томони музокараларни қайта бошлашни ўз навбатида беш асосий шарт билан боғлаган: барча фронтларда ҳарбий ҳаракатларни тўхтатиш, санкцияларни бекор қилиш, музлатилган активларни қайтариш, уруш зарарларини қоплаш ҳамда Ҳормуз бўғози устидан суверенитетни тан олиш.
