ЖЧ–2026 старт олди: Мексика Жанубий Африкани 2:0 ҳисобида мағлуб этди
Мазкур ғалаба Мексика терма жамоаси учун Жаҳон чемпионатининг очилиш ўйинидаги илк ғалабаси бўлди.
2026 йилги футбол бўйича Жаҳон чемпионати расман старт олди. Турнирнинг очилиш учрашувида мезбонлардан бири бўлган Мексика терма жамоаси Жанубий Африка жамоаси устидан 2:0 ҳисобида ғалаба қозонди.
Мехико шаҳридаги Estadio Azteca стадионида бўлиб ўтган баҳсда мексикаликлар ўйин бошидanoq ташаббусни ўз қўлига олган. Учрашувнинг 9-дақиқасида Хулиан Киньонес рақиб ҳимоясидаги хатодан унумли фойдаланиб, ҳисобни очган.
Иккинчи бўлим бошида Жанубий Африка бир футболчисидан айрилган. 67-дақиқада эса Рауль Хименес боши билан киритган гол орқали мезбонларнинг устунлигини мустаҳкамлаган.
Учрашув давомида ҳакам уч нафар футболчига қизил карточка кўрсатган. Жанубий Африка икки футболчисини майдондан четлатилган ҳолда якунлаган бўлса, Мексика сафида ҳам бир ўйинчи қизил карточка олган.
Мазкур ғалаба Мексика терма жамоаси учун Жаҳон чемпионатининг очилиш ўйинидаги илк ғалабаси бўлди.
2026 йилги FIFA Жаҳон чемпионати 11 июндан 19 июлгача АҚШ, Канада ва Мексика мезбонлигида ўтказилади. Турнир тарихида илк бор 48 та миллий терма жамоа иштирок этмоқда.
