Футболчилардан шикоятим йўқ, улар қўлидан келганини қилди — Фабио Каннаваро

Ўзбекистон миллий терма жамоаси бош мураббийи Фабио Каннаваро Конго ДРга қарши учрашув якунланганидан сўнг ташкил этилган матбуот анжуманида ўйин ҳақида ўз фикрларини билдирди.

 

Мутахассиснинг таъкидлашича, жамоа учрашувнинг биринчи бўлимини яхши бошлаган ва бир қатор хавфли вазиятлар яратган. Унинг сўзларига кўра, футболчилар илк таймда катта ҳажмдаги жисмоний ишни бажарган.

 

Каннаваро иккинчи бўлимда йўл қўйилган хатолар натижага салбий таъсир кўрсатганини қайд этган. Шунингдек, рақибнинг ҳам жисмоний жиҳатдан яхши тайёргарликка эга жамоа эканини таъкидлаган.

 

Бош мураббий мазкур мусобақа ўзи ва футболчилар учун муҳим тажриба бўлганини билдириб, бу келгусидаги учрашувлар учун қўшимча мотивация беришига ишонч билдирган.

 

Шунингдек, у футболчилар билан мусобақа давомида мунтазам мулоқот қилганини, гуруҳ босқичиёқ кучли рақибларга қарши ўйнашларини билишганини айтган. Мураббий натижадан афсусдалигини билдирар экан, футболчиларни танқид қилиш нияти йўқлигини таъкидлаган.

 

«Мен футболчилардан умуман шикоят қилмоқчи эмасман. Улар қўлидан келган барча ишни қилди ва мен улар билан фахрланаман», — деган Фабио Каннаваро.