Конго ДР ҳозирда Африка қитъасида кучли жамоа саналади

Африканинг ушбу жамоаси сўнгги пайтларда қандай натижалар кўрсатгани билан қисқача танишиб чиқсак. 2025 йилнинг охирида саралаш босқичида дунё футболининг номдор вакиллари Камерун ва Нигерияни таслим этди. Африка кубогида Сенегал билан дуранг ўйнади. Шунингдек, барчамиз кўрдикки, Португалия каби Европанинг гранди, ўртоқлик ўйинида Дания ҳам бу жамоага қарши дуранг ўйнаб муроса йўлини танлади.

 

Агар жамоа таркибига назар ташласак, таркиб ҳар қандай жамоага бош оғриғи бўлиши мумкинлиги кўринади. Жамоа ўйинчилари Ньюкасл, Вест Ҳам, Реал Бетис, Эспаньол, Уотфорд, Сандерланд, Бернли, Монпелье, Сент-Этьен каби топ жамоаларда фаолият юритишмоқда. Баъзи мутахассислар фикрича бу команда турнирда ҳар қандай тажрибали термага қарши курашувчан футбол таклиф этишга жисмонан кучи етади.

 

Албатта, юртдошларимиз Конго ДР устидан ғалаба қозонишимизни исташган эди, бироқ ишонинг бугунги ўйинда гарчи мағлуб бўлган бўлсак-да, бизнинг йигитлар майдонда мардонавор кураш олиб боришди десак асло муболаға бўлмайди.

 

Алоҳида таъкидлаш керак, илк мундиал ҳозирда доимий иштирок этиб келаётган кўплаб дунё термалари учун, таржиба босқичи сифатида келгуси ғалабаларга замин бўлиб хизмат қилган. Бугунги йигитларимиз шунчалик меҳнат қилиб, жаҳон чемпионатида бутун дунёга Ўзбекистон истеъдодли футболчилар юрти эканини намоён этишди.

 

Асосийси футболимиз ҳозиргидек, шу тарзда ривожланишда давом этсин. А.Ҳусанов,О. Ўрунов, Э.Шомуродов, А.Файзуллаев, Б.Каримов, Ж.Ўрозов, А.Мозговойлар ортидан яна ёш юлдузлар етишиб чиқаверишсин.

 

Насиб бўлса келгуси жаҳон чемпионатларида юқори марраларни кўзлаб, Европа грандларини ҳам бизга қарши ҳадиксираб майдонга чиқишига мажбур қиламиз.