ЖЧда иштирок этган Жанубий Африка футболчиси 25 ёшида вафот этди
Жейден Адамс яқинда Жанубий Африка терма жамоаси сафида ЖЧ-2026 да иштирок этган эди.
Жанубий Африка миллий терма жамоаси ва Mamelodi Sundowns клуби ярим ҳимоячиси Жейден Адамс 25 ёшида вафот этди. Бу ҳақда Soccer Laduma нашри футболчининг яқинларига таяниб хабар берди.
Нашр маълумотига кўра, Адамснинг вакиллари ва васийси унинг вафот этганини тасдиқлаган. Бироқ ўлим сабаби ҳозирча ошкор этилмаган.
Футболчининг устози Брендин Жонсон оила номидан марҳумнинг яқинлари оғир қайғуни бошдан кечираётганини билдириб, уларнинг шахсий ҳаётини ҳурмат қилишни сўради.
Жейден Адамс яқинда Жанубий Африка терма жамоаси сафида ФИФА Жаҳон чемпионатида иштирок этган эди. У фаолияти давомида аввал Stellenbosch ФC сафида тўп суриб, кейинчалик Mamelodi Sundownsга кўчган ҳамда миллий терма жамоанинг асосий футболчиларидан бирига айланганди.
Нашрнинг қайд этишича, футболчининг вафоти билан боғлиқ қўшимча маълумотлар кейинроқ эълон қилинади.
