АҚШда она 11 ойлик ўғлини отасига бермаслик учун отиб ўлдирди
Аёл боланинг отасига берилган васийлик ҳуқуқидан норози бўлган.
АҚШда 36 ёшли аёл 11 ойлик ўғлини ўлдирганликда айбдор деб топилди. Бу ҳақда The New York Post хабар берди.
Прокуратура маълумотларига кўра, Медлин Вероника Дейли суд қарорини бузиб, болани Вайoминг штатидан Нью-Мексикога олиб кетган. Аёл боланинг отасига берилган васийлик ҳуқуқидан норози бўлган.
23 декабрь куни полиция уни автотураргоҳ аниқлаган. Ҳуқуқ-тартибот ходимлари бинони қуршаб олганидан кўп ўтмай, ичкаридан ўқ овози эшитилган. Полиция кирганида, бола 9 миллиметрли қуролдан отилган ўқдан ҳалок бўлгани аниқланган. Аёл шундан сўнг ўз жонига қасд қилишга уринган, бироқ полиция ходимлари бунга йўл қўймаган.
Терговчиларга кўра, Дейли боланинг отаси ва унинг қариндошлари ўғлини бошқа кўрмаслиги учун уни ўлдириш “арзийди”, деб ҳисоблаганини айтган.
Дейли биринчи даражали қотилликда айбини тан олган. Унга нисбатан умрбод қамоқ жазоси тайинланиши мумкин.
