Ҳисоб палатаси раҳбариятида тайинловлар амалга оширилди
Палата раисининг икки нафар ўринбосари лавозимидан озод этилди.
Ўзбекистон Республикаси Президенти Администрацияси Раҳбарининг фармойишлари билан Ҳисоб палатаси ҳамда Президент Администрацияси Комплаенс хизматида бир қатор тайинловлар амалга оширилди.
Улуғбек Миркамалович Арипов Ўзбекистон Республикаси Ҳисоб палатаси раисининг комплаенс ва коррупцияга қарши ички назорат бўйича ўринбосари этиб тайинланди. Шу муносабат билан у Ўзбекистон Республикаси Президенти Администрацияси Комплаенс хизмати шўба мудири лавозимидан озод этилди.
Жамшид Жахонгирович Мирзаев Ўзбекистон Республикаси Ҳисоб палатаси раисининг ўринбосари лавозимига тайинланди.
Атабек Валижанович Аллаберганов бошқа ишга ўтиши муносабати билан Ҳисоб палатаси раисининг ўринбосари лавозимидан озод этилди.
Сардор Алишерович Мирзаев Ўзбекистон Республикаси Президенти Администрацияси Комплаенс хизмати шўба мудири этиб тайинланди. Шу муносабат билан у Ҳисоб палатаси раисининг ўринбосари лавозимидан озод этилди.
