Ёш тадқиқотчининг фожиали тақдири: 4-қаватдан тушиб, 10 кундан сўнг вафот этди
Тошкентда мактаб-интернати ўқувчиси ётоқхонанинг юқори қаватидан тушиб кетиб вафот этди.
Тошкентда мактаб-интернати ўқувчиси ётоқхонанинг тўртинчи қаватидан тушиб кетиб, оғир жароҳат олган. У 10 кун давомида шифохонада даволанган, бироқ 15 сентябрь куни вафот этган. Бу ҳақда Бош прокуратура ахборот хизмати раҳбари Ҳаёт Шамсутдинов Zamon.uz'га маълум қилди.
Таъкидланишича, ўқувчи Ш. Ж. бундан 10 кун аввал мактаб-интернат ётоқхонасининг 4-қаватидан тушиб кетган. Оқибатда у оғир тан жароҳатлари билан шифохонага ётқизилган.
Шифокорлар томонидан кўрсатилган тиббий ёрдамга қарамай, ўқувчи 15 сентябрь куни вафот этган.
Ҳозирда ҳолат юзасидан Олмазор туман прокуратураси томонидан терговга қадар текширув ҳаракатлари олиб борилмоқда. Воқеанинг барча тафсилотларига аниқлик киритилмоқда.
Маълумотларга кўра, Ш. Ж. математика ва илмий йўналишдаги республика ҳамда халқаро танловларда совринли ўринларни эгаллаб келган.
У 2026 йилда Олмаота шаҳрида ўтказилган Ёш тадқиқотчилар халқаро турнирида олтин медални қўлга киритган.
