Бишкекда қабристондан жойни олдиндан банд қилиш бошланди: 10 йиллик хизмат нархи белгиланди
Қирғизистон пойтахтида вафот этган турмуш ўртоғи ёнидан қабристон учун жойни олдиндан банд қилиш мумкин.
Бишкекда қабристондан жойни олдиндан банд қилиш хизмати жорий этилди.
Қирғизистон пойтахти шаҳар кенгаши қарорига мувофиқ, ушбу хизматдан фақат турмуш ўртоғи вафот этган шахс фойдаланиши мумкин. Бунда банд қилинадиган жой марҳумнинг қабри ёнида бўлиши керак.
Хизмат нархи 10 йил учун 150 минг 647 қирғиз сўми этиб белгиланган.
2026 йил 9 октябрь ҳолатига кўра, Бишкекда тўрт киши ушбу имкониятдан фойдаланиб, қабристондан жойни олдиндан банд қилган.
