Саида Мирзиёева АҚШ савдо вакили билан учрашди
Жеймисон Грир билан ўтказилган учрашувда америкалик инвесторларнинг Ўзбекистонга нисбатан ортиб бораётган қизиқишини муҳокама қилинди.
Саида Мирзиёева АҚШ савдо вакили, элчи Жеймисон Грир билан учрашди. Бу ҳақда Мирзиёева Теlegram-каналида хабар берди.
Маълум қилинишича, Жеймисон Грир билан ўтказилган учрашувда америкалик инвесторларнинг Ўзбекистонга нисбатан ортиб бораётган қизиқиши муҳокама қилинган.
“Биз икки томонлама савдо муносабатларини ўзаро манфаатли асосда тартибга солувчи келишувлар устида иш олиб бормоқдамиз”, дейилади хабарда.
Шунингдек, Мирзиёева Ўзбекистоннинг Жаҳон савдо ташкилотига аъзо бўлиш йўлидаги интилишларини қўллаб-қувватлагани учун элчига ўз миннатдорлигини билдиришини қайд этган.
