Сирдарёда судья пора билан қўлга олинди
У ўз иш юритувидаги иқтисодий ишни кассация инстанциясида Гулистон шаҳрида фаолият юритувчи МЧЖ фойдасига ҳал қилиш эвазига пул талаб қилган.
Сирдарё вилоятида судья пора олганликда гумонланиб, қўлга олинди. Бу ҳақда Олий суд ахборот хизмати хабар берди.
Маълум қилинишича, вилоят судининг иқтисодий ишлар бўйича судьяси Э. С. ўз иш юритувидаги иқтисодий ишни кассация инстанциясида Гулистон шаҳрида фаолият юритувчи МЧЖ фойдасига ҳал қилиш эвазига пул талаб қилган.
У пора сифатида 3600 АҚШ доллари олганликда гумонланиб, ҳуқуқни муҳофаза қилувчи орган ходимлари томонидан ўтказилган тезкор тадбирда ашёвий далил билан ушланган.
