“Навоий” чегара божхона постига пиёда кириб келган фуқаро божхона назоратидан ўтаётган вақтда унинг хатти-ҳаракатларида шубҳали ҳолатлар кузатилгани сабабли шахсий кўрикдан ўтказилган.
Кўрик натижасида фуқаронинг ички жинсий аъзолари ичида оғирлиги 1 013 грамм бўлган заргарлик буюмлари борлиги аниқланди. Ашёвий далил сифатида олинган мазкур олтин буюмларининг умумий қиймати 1 миллиард 100 миллион сўмни ташкил этди.
Ҳозирда мазкур ҳолат юзасидан божхона органлари томонидан тегишли процессуал ҳаракатлар амалга оширилмоқда.
Маълумот учун, амалдаги тартибларга мувофиқ, жисмоний шахслар божхона чегараси орқали божхона тўловларисиз, йўловчи божхона декларациясида кўрсатган ҳолда умумий оғирлиги 65 граммдан кўп бўлмаган қимматбаҳо металлар ва қимматбаҳо тошлардан заргарлик буюмларини олиб киришлари мумкин.