Абэнинг ўлдирилиши ортидан Япония полицияси раҳбари истеъфога кетди
У ўз хоҳиши билан лавозимини тарк этган.
Япония полиция бош бошқармаси раҳбари Итару Накамура истеъфога чиқди. У собиқ бош вазир Синдзо Абэга уюштирилган суиқасдда хавфсизлик чоралари етарли даражада кўрилмагани учун жавобгарликни зиммасига олмоқчи.
“Хавфсизликни таъминлаш тизими тубдан қайта кўриб чиқилади”, – деган у.
Kyodo агентлиги маълумотларига кўра, Накамура жамоат хавфсизлиги бўйича комиссияга истеъфога кетиш истагини билдирган. Бу 26 августда амалга ошиши кутилмоқда.
Полиция бошқармаси Абэ нутқ сўзлаётган пайтда қўриқчилар тўғри жойлаштирилмаганини аниқлаган. Бу унинг ўлимига олиб келган асосий омиллардан бири сифатида кўрилмоқда.
Маълумот ўрнида: Синдзо Абе Япония тарихидаги энг машҳур бош вазир ҳисобланади. У 8 июль куни қотиллик қурбонига айланди.
