НАТО АҚШга ёрдам бермаган ва бермайди — Трамп
АҚШ президенти альянс ишончлилигига шубҳа билдириб, кескин баёнот берди.
АҚШ президенти Truth Social ижтимоий тармоғида эълон қилган постида альянс Қўшма Штатларга зарур пайтда ёрдам кўрсатмаганини ва келажакда ҳам бундай қўллаб-қувватлаш бўлмаслигини таъкидлаган.
“НАТО бизга ёрдам бермади ва келажакда ҳам ёрдам бермайди”, — дея қайд этган Трамп.
Унинг фикрича, АҚШ келгусида хавфсизлик масалаларида альянс ёрдамига таянмаслиги керак. Трамп, шунингдек, НАТО ҳамкорларининг ишончлилиги борасида узоқ вақтдан бери шубҳа билдириб келаётганини яна бир бор эслатган.
Аввалроқ АҚШ президенти альянсни “қоғоз йўлбарс” сифатида баҳолаган ҳамда ташкилотнинг самарадорлигига шубҳа билан қарашини билдирган эди. У ҳатто НАТОдан чиқиш эҳтимолини ҳам кўриб чиқаётганини қайд этган.
The Telegraph нашрига берган интервьюсида Трамп НАТОнинг реал куч сифатида таъсири чекланганини таъкидлаб, ушбу позициясини яна бир бор тасдиқлаган.
