Аброр Мухтор Алий жамоат фаоли Ҳамид Содиққа таҳдид қилгани айтилмоқда
30 нафар журналист, адвокат, олим ва жамоат фаоллари тегишли ташкилотлардан Аброр Мухтор Алийга нисбатан ҳуқуқий баҳо беришини сўрамоқда.
Сўнгги вақтларда ижтимоий тармоқ фойдаланувчиларнинг ўзбек сегменти баъзи масалаларда икки тоифага бўлинди.
Тармоқ фойдаланувчиларининг баъзилари сиёсатшунос Ҳамид Содиқни ҳимояласа, бошқалари, Аброр Мухтор Алийни ҳимоя қилишмоқда.
Хусусан, собиқ депутат Расул Кушербаев ҳам ўз фикрини билдириб ўтди: “Ўзбекистон – Конституцияга кўра, ҳуқуқий, демократик, дунёвий давлат. Инсонларнинг эрки, шаъни ва қадр-қиммати, эркин фикри, диний эркинлиги, фикрлаш эркинлиги давлат томонидан қатъий ҳимоя қилиниши керак. Жумладан, сўз ва фикр эркинлиги учун дин номи билан оммавий сазойи қилишга, Ўзбекистон конституциявий тизимида йўл қўйилмайди.
Аброр Мухтор Алийнинг ушбу ва бошқа чиқишларида Ўзбекистон Конституцион тизимига, унинг қадриятларига тўғридан-тўғри тажовуз кўриниб туради, инсонларнинг конституциявий ҳуқуқларини амалга оширганлик учун сазойи қилиш ҳолатлари жуда кўп учрайди”, — деб ёзади Кушербаев.
Инсон ҳуқуқлари фаоли Абдураҳмон Ташанов Аброр Мухтор Алийнинг бу гапларига ҳуқуқий баҳо берилиши кераклигини айтмоқда.
Ҳозирги вақтда 30 нафар журналист, адвокат, олим ва жамоат фаоллари Мухтор Алий тегишли ташкилотлардан Мухтор Алийга нисбатан ҳуқуқий баҳо беришни сўрамоқда.
