Маълум бўлишича, Марҳамат туман прокуратураси томонидан 16 апрел куни соат 16:15 ларда 1984 йилда туғилган, Марҳамат тумани, “Шўрқақир МФЙ” Давлатобод кўчаси 19-уйда яшаган Мирзамаҳмудов Фарҳоднинг яшаш хонадонидаги молхонанинг тўсинига арқондан сиртмоқ ясаб, унга ўзини-ўзи осиб вафот этгани ҳолати юзасидан терговга қадар текширув олиб борилмоқда.
Текширув давомида фуқаро Ф.Мирзарахимовга нисбатан бирон шахс томонидан муттасил равишда тазйиқ ўтказиш, ҳақорат қилиш ва бошқа ноқонуний ҳаракатлар содир этилмаганлиги маълум бўлган.
Шунингдек, суд-тиббий экспертизасининг 05.05.2022 йилдаги 171-сонли хулосасида Ф.Мирзарахимовнинг ўлимига осилиши туфайли бўйин соҳаси аъзоларини сиртмоқ билан қисилиши натижасида келиб чиққан механик асфиксия, бўйин соҳасидаги кенг, очиқ странгуляцион эгат мавжудлиги, бўйин юмшоқ тўқималарига қон қуйилиши, ўпкани вицерал плевра варақлари ва юракни эпикард остига қон қуйилишлари (Тардъе доғлари), ўткир ҳолда юрак қон томир ва нафас етишмовчилиги сабаб бўлганлиги кўрсатилган.