Мазкур ҳолат юзасидан «Ҳудудий электр тармоқлари» вилоят ҳудудий филиали муносабат билдирди.
Қайд этилишича, Андижон шаҳар электр таъминоти корхонаси тезкор чиқиш бригадаси томонидан 110/35/6 кВ «Яйилма» ПСдаги 6 кВ «Юлдош» фидеридан чиқувчи 2-кичик даҳада жойлашган 155-сонли трансформатор пунктида 25 декабрь куни соат 20:50 да носоз трансформатор ўрнига захирадаги трансформатор пунктига алмаштирилиб ишга туширилаётган вақтда трансформаторнинг 0,4 кВ томонидаги ажраткичда қисқа туташув юз берган.
Ҳодиса оқибатида 6 та кўп қаватли уйда яшовчи 380 га яқин аҳоли электр таъминотидан узилган.
«Ҳозирда тезкор чиқиш ишчи гуруҳи томонидан аниқланган камчиликлар бартараф қилинмоқда. Тез фурсат ичида ушбу ҳудудда яшовчи аҳоли хонадонларини электр таъминоти тўлиқ тикланади», — дейилади хабарда.