2025 йил бошидан буён Қўшма Штатлар 2,5 миллион хорижликни депортация қилган. Уларнинг аксарияти — 1,9 миллион киши — ўз-ўзини депортация қилиш дастури доирасида ўз ихтиёри билан мамлакатни тарк этган, 600 минг нафари эса мажбуран чиқариб юборилган. Бу ҳақда “TASS” агентлиги АҚШ Миллий хавфсизлик вазирлиги маълумотларига таяниб хабар берди.
365 кундан камроқ вақт ичида 600 минг ҳужжатсиз муҳожир мажбуран чиқариб юборилган. Шу билан бирга, ўз ихтиёри билан мамлакатни тарк этган 1,9 миллион киши билан биргаликда депортация қилинган хорижликлар сони 2,5 миллиондан ошган.
АҚШ Ички хавфсизлик департаменти маълумотига кўра, депортациялар жараёни «бошланиши» бўлиб, мамлакат хавфсизлигини таъминлаш ва ҳужжатсиз муҳожирлар оқимини назорат қилиш мақсадида давом этмоқда.