АҚШ Давлат департаменти Украинага берилаётган ҳарбий ёрдамнинг қандай сарфланаётганини баҳолайдиган компания изламоқда. Бу бўйича ҳукумат порталига махсус эълон жойлаштирилган.
Унга кўра, Давлат департаменти “Украинага берилган қўшимча 14.8 миллиард долларни ҳужжатлаштириш, мониторинг қилиш ва натижаларини баҳолаш бўйича хизмат кўрсатадиган” компанияни қидиряпти.
Бу билан шуғулланадиган ташкилот ҳар чоракда ўз кузатувлари асосида ҳисобот бериши кераклиги белгилаб қўйилган.
Аввалроқ АҚШ Украинага ёрдам кўрсатиш масаласига умумий раҳбар тайинлаши мумкинлиги тўғрисида хабар берилганди.