Қўшма Штатларда аденовирус инфекциясининг хавфли шакли билан боғлиқ ҳолатлар кўпаяётгани ҳақида хабарлар тарқалди. Мутахассислар айрим манбаларда ушбу вирус “COVID-19 дан ҳам хавфлироқ” дея баҳоланаётганини қайд этиб, вазиятни жиддий назорат остига олиш зарурлигини таъкидламоқда. Бу ҳақда american focus нашри хабар берди.
Маълумотларга кўра, аденовирус аломатлари дастлаб оддий шамоллаш ёки гриппга ўхшаш бўлиши мумкин. Бироқ касаллик қисқа вақт ичида нафас олиш тизими, кўриш аъзолари, буйраклар ва бошқа муҳим органларга салбий таъсир кўрсатиши эҳтимоли бор. Вирус юқори даражада юқумли бўлиб, одамдан одамга тез юқади ва айниқса совуқ мавсумда фаолроқ тарқалади.
Расмий идоралар вазиятни COVID-19 пандемиясининг дастлабки босқичлари билан қиёслаб, эҳтиёт чораларини кучайтириш лозимлигини билдирмоқда. Уларнинг таъкидлашича, ҳолатни кам баҳолаш янги глобал соғлиқни сақлаш инқирозига олиб келиши мумкин.
Хабарларда ушбу вирус грипп билан касалланиш ҳолатларининг кескин ошишига асосий омиллардан бири бўлгани айтилмоқда. Жорий мавсумнинг ўзида 7,5 миллиондан ортиқ ҳолат қайд этилган, 81 минг киши шифохонага ётқизилган ва 3 100 дан зиёд ўлим ҳолати рўй берган. Ҳозирда вируснинг келиб чиқиши бўйича текширувлар олиб борилмоқда, унинг сунъий равишда янги турдаги биологик қурол сифатида яратилганлиги эҳтимолини истисно қилмаяпти.