АҚШда миграция инқирози бошланиши мумкин
Вакиллар палатаси Ички хавфсизлик вазиридан истъефо талаб қилди.
АҚШ ички хавфсизлик вазирлигининг маълумотига кўра, ўтган йилнинг октябрь ойидан жорий йилнинг февраль ойигача камида 220 минг ноқонуний мигрант чегарачилардан қочиб ўтган.
Бу рақамлар орасига чегарадан ўтишда қўлга олинганлар йўқ. Шунга қарамай, FoxNews рақамлар жуда пасайтириб эълон қилинганини айтмоқда.
Бунинг устига, қўлга тушган барча ноқонуний мигрантлар ҳам ватанига қайтариб юборилмайди. Жумладан ўтган йилнинг ноябрь ойида АҚШда 173,5 мингдан ортиқ, декабрда 179 минг, январда 62,5 минг ноқонуний мигрант қўйиб юборилган.
Байден админстрациясининг юмшоқ миграцион сиёсатига қарши республикачилар инқироздан огоҳлантирмоқда. Бунинг фонида вакиллар палатаси Ички хавфсизлик вазири Алехандро Майоркасадан истеъфога кетишни талаб қилди.
Шусиз ҳам мамлакатда амалдаги президент Жо Байденнинг рейтинги тушиб кетган.
