АҚШда TikTok'нинг фаолияти тикланишни бошлади
TikTok бунинг учун Доналд Трампга миннатдорлик билдирди.
Бу ҳақда илованинг Х ижтимоий тармоғидаги аккаунтида эълон қилинган баёнотда билдирилди.
"Хизмат кўрсатувчи шерикларимиз билан келишувга мувофиқ, АҚШ ҳудудида TikTok'нинг фаолияти тикланиш жараёнида", дейилган баёнотда.
TikTok бунинг учун АҚШнинг сайланган президенти Доналд Трампга миннатдорлик билдирди.
Аввалроқ Трамп ўзининг TruthSocial ижтимоий тармоғида президентлигининг биринчи кунида TikTok'га қарши тақиқларнинг кучга киришини кечиктириш бўйича фармон чиқаришга ваъда берган эди. Шунингдек, у TikTok'нинг фаолиятини чекловчи тақиқни бузган компаниялар учун жазо чоралари қўлланилмаслигини ҳам таъкидлаганди.
