Россиянинг Украинадаги ҳаракатлари Вашингтон ва бутун дунё учун "асрларга тенг" синов бўлди. Бу ҳақда АҚШ президенти Жозеф Байден Конгрессдаги чиқишида маълум қилди.
Америка етакчиси шу муносабат билан Вашингтон "энг асосий принципларни ҳимоя қилиши"ни таъкидлаган. Унинг сўзларига кўра, АҚШдаги сиёсий кучлар Россия агрессиясига қарши ягона позициясини сақлаб қолмоқда.
Байден нутқи давомида йиғилишда иштирок этаётган Украина элчиси Оксана Макаровага мурожаат қилди.
"У нафақат ўз давлатининг, балки унинг матонатли халқининг ҳам вакили ҳисобланади. Америка сизни қўллаб-қувватлаш учун бирлашган", — деган президент.
Шунингдек, сиёсатчи қанча зарур бўлса, шунча пайт Киевни қўллаб-қувватлашини айтган.
Байден Россия ҳаракатларига қарши НАТО давлатлари бирлаша олганини қайд этган.