Денис Истоминнинг Токиодаги дастлабки рақиби аниқланди
“Токио–2020” Олимпия ўйинларининг теннис беллашувларига ҳам қуръа ташлаш маросими бўлиб ўтди
“Токио–2020” Олимпия ўйинларининг теннис беллашувларига ҳам қуръа ташлаш маросими бўлиб ўтди. Унда ҳамюртимиз Денис Истомин ўзининг илк рақибини билиб олди.
Юртимизнинг биринчи рақамли ракетка устаси илк баҳсини ҳиндистонлик Сумит Нагалга қарши ўтказади. Эътиборлиси, ҳар икки теннисчи шу пайтгача ўзаро тўқнаш келишмаган.
Айни пайтда Истомин жаҳон тасниф жадвалининг 197 поғонасини эгаллаб турган бўлса, Нагал 160 ўринда қайд этилган.
Бўлажак беллашув 24 июль куни Тошкент вақти билан соат 07:00 да старт олиши кутилмоқда.
