Дунё бўйича коронавирусдан ўлим ҳолатлари ошди
Сўнгги бир ҳафта ичида дунёда коронавирусдан ўлим 21 фоизга ошди. Бу ҳақда Жаҳон соғлиқни сақлаш ташкилоти хабар берди.
Бир ҳафта давомида бутун дунёда коронавирусдан 69 мингдан ортиқ ўлим қайд этилди - бу 12 дан 18 июлгача бўлган даврга нисбатан 12 мингтага кўп. Ўлим ҳолатларининг аксарияти Америка, шунингдек, Жануби-Шарқий Осиё ҳиссасига тўғри келади. Бундан ташқари, ўтган ҳафтада дунё бўйлаб ҳар куни 540 мингга яқин COVID-19 инфекцияcи аниқланган.
Агар бу тенденция давом этса, келгуси икки ҳафта ичида бутун дунё бўйлаб жами касалланганлар сони 200 миллиондан ошиши мумкин.
Умуман олганда, пандемия даврида дунёда 195,3 миллиондан ортиқ коронавирус ва 4,1 миллионга яқин ўлим ҳолатлари қайд этилган.
Насиба Тўхтаева
