Эронда гриппдан вафот этганлар сони 101 нафарга етди
Расмийлар ўлимларнинг кўпчилиги эмланмаган шахслар эканини билдирмоқда.
Эронда гриппга қарши вакциналар етишмаслиги ва уларнинг юқори нархи жиддий оқибатларга олиб келаётгани маълум қилинди. Бу ҳақда “Азад Иран”га таяниб Oxu.Az нашри хабар берди.
Эрон Соғлиқни сақлаш вазирлиги Жамоатчилик билан алоқалар ва ахборот маркази раҳбари Ҳусайн Керманпурга кўра, мамлакатда гриппдан вафот этганлар сони ҳозирга қадар 101 кишини ташкил этмоқда. Унинг айтишича, вирусдан ҳалок бўлганларнинг аксарияти эмланмаган шахслар ҳисобланади.
Ислом Маслаҳат Ассамблеяси Соғлиқни сақлаш ва тиббий комиссияси аъзоси Ҳумаюн Самеҳ Нажафабоди гриппдан ўлим хавфи коронавирусдан ўлим хавфидан юқори эканини таъкидлади. У вируснинг кенг тарқалишига асосий сабаб сифатида гриппга қарши вакцинанинг қимматлиги ва суғурта тизимининг мавжуд эмаслигини кўрсатди.
