ХХР Раиси Си Цзиньпин кейинги ҳафтада Москвага ташриф буюриши мумкин. Бу ҳақда ўз манбаларига таяниб Reuters агентлиги хабар берди.
Агентлик суҳбатдошларига кўра, сафари давомида у Владимир Путин билан учрашади.
2022 йил 30 декабрида Россия ва Хитой етакчилари видеоалоқа орқали музокаралар ўтказганди. Мулоқот давомида Владимир Путин хитойлик ҳамкасбини баҳорда Москвага таклиф қилганди.
Кремлда Си Цзиньпин ташрифи ҳақидаги саволга жавоб беришмаган.