Германия тез орада Европадаги энг катта армияни яратади – Шольц
Германия канцлери Украинага ҳарбий ёрдам масаласида фикр билдирди.
Олаф Шольц Германияда тез орада Европадаги энг йирик армия яратилишини маълум қилди. Бу ҳақда канцлер немис ОАВларига берган интервьюсида айтган.
“Германия тез орада НАТО доирасида Европадаги энг йирик одатий армияга эга бўлади”, – деган сиёсатчи.
Шольцнинг қўшимча қилишича, бу Берлин ва унинг иттифоқчилари хавфсизлигини сезиларли даражада кучайтиради. Бундан ташқари, Германия ҳукумати раҳбари Украинага ҳарбий ёрдам масаласида гапирган. Унинг сўзларига кўра, унинг мамлакати етарли даражада кўмак бермаётгани учун ноўрин танқид қилинмоқда.
“Биз қурол берганмиз ва бундан буён ҳам кўпроқ ҳарбий ёрдам етказиб берамиз”, – деб қайд этган канцлер.
Аввалроқ Европа дипломатияси раҳбари Жозеп Боррель ЕИни қудратли ҳарбий кучга айланишга чақирганди.
