Германияда давлат тўнтаришининг олдини олинди
Унга шаҳзода Генрих XIII бошчилик қилган бўлиши мумкин.
Германия полицияси давлат тўнтаришига тайёрланаётган гуруҳни қўлга олди. гуруҳ ўнг экстремистлар, рейхсбюргерлар, собиқ ҳарбийлардан иборат.
Хабар қилинишича, бугун, 7 декабрь тонгида 3000 га яқин полициячи Германия бўйлаб 130 та уйда тинтув ўтказган. 52 нафар гумонланувчидан 25 нафари қўлга олинган.
Апрелда собиқ ҳарбийнинг қўлга олиниши полицияни тўнтариш ташкилотчиларига олиб чиқди. Ҳукумат суриштирувига кўра, давлат тўнтариши ташкилотчилари собиқ полициячи ва ҳарбийларни ўзига оғдириб олишга уринган.
Гумонланувчилар орасида Ройслар шажарасининг 71 ёшли шаҳзодаси Генрих XIII ҳам бор. Шаҳзода ва Германия қуролли кучлари махсус бўлинмасининг собиқ қўмондони Рюдигер фон П. гуруҳга бошчилик қилган бўлиши мумкин.
