Истанбулда ИШИД раҳбари қўлга олинди
У 2022 йил мартидан буён террорчи гуруҳга раҳбарлик қилиб келаётганди.
Истанбулда ИШИД халқаро террорчилик гуруҳи раҳбари Абу ал-Ҳасан ал-Қурайший қўлга олинди. Бу ҳақда “Bloomberg” хабар берди.
Маҳаллий ОАВ маълумотларига кўра, террорчи ўтган ҳафта қўлга олинган. яқин кунларда Ражаб Тоййиб Эрдоған ушбу воқеа муносабати билан баёнот бериши мумкин.
Ал-Қурайший Туркия миллий разведка ташкилоти ҳамда терроризмга қарши кураш бошқармаси ҳамкорлигидаги амалиёт натижасида қўлга олинган.
Абу ал-Ҳасан ал-Қурайший 2022 йил мартида ИШИД раҳбарига айланганди. У террорчи ташкилот асосчиси Абу Бакр ал-Бағдодийнинг укаси ҳисобланади.
