Жанубий Кореядаги логистика омборида кучли ёнғин юз берди
Шаҳар марказидаги омборда тарқалган оловни 129 нафар қутқарувчи ва 63 та ёнғин машинаси назорат остига олдиган.
Жанубий Кореянинг Чонан шаҳрида мамлакатдаги энг йирик логистика омборларидан бири – E‑Land Fashion марказида ёнғин чиқди. Омбор тўлиқ кийим-кечак маҳсулотлари билан тўлдирилгани сабабли олов тез тарқалди ва уни ўчириш қийинлашган.
Фавқулодда вазиятга 129 нафар ёнғин-қутқарув хизмати ва 63 та ёнғин машинаси жалб қилинган. Ҳодиса юз берганда 1-даражали хавф эълон қилинган бўлсада, олов тез тарқалгани сабаб даража 2-га оширилган. Оловни назоратга олиш жараёнида икки ёнғин вертолёти ҳам ишлатилган.
Ҳодиса натижасида жабрланганлар йўқ. Расмийлар олов сабабларини аниқлаш ва етказилган зарар миқдорини баҳолаш учун тергов ўтказилишини билдирмоқда.
