ЖССТ раҳбари Киевга борди
Аввалроқ БМТ Бош котиби ҳам Украинага келганди.
ЖССТ бош директори Тедрос Аданом Гебрейесус Украинага ишчи ташриф билан келди. Бу ҳақда у ўзининг Twitter саҳифасида маълум қилган.
"Украинага етиб келдим", — деган Гебрейесус.
Ташриф давомида ЖССТ раҳбари ташкилотнинг Украинадаги ходимлари билан учрашишни режалаштирган.
Гебрейесус украиналик болаларга кўрсатилаётган ёрдамни кўпайтириш зарурлигини таъкидлаган.
"Ўзим урушда катта бўлган бола сифатида мен болаларнинг нимани ҳис қилаётганини тушунаман", — деб қўшимча қилган у.
Аввалроқ БМТ бош котиби Антониу Гутерриш Киевга келгани тўғрисида хабар берилганди.
