Ким Чен Иннинг синглиси Жанубий Корея президентини аҳмоққа чиқарди
Ким Ё Чжон Сеулни АҚШ “қўғирчоғи” деб атаган
.
Ким Чен Иннинг синглиси Ким Ё Чжон Жанубий Корея президентини “аҳмоқ” деб атади. Бу ҳақда Yonhap агентлиги хабар берди.
У Сеулнинг КХДР ракета синовларини провокация сифатида баҳолаганига ва Пхеньянга қарши санкцияларни кенгайтиришга берилган таклифга шу тариқа муносабат билдирди.
“Бу ҳаракатлар Жанубий Кореянинг АҚШ қўлида қўғирчоқ эканини кўрсатади. Мен жанубликларнинг нима учун Юн Сок Ёль ва бошқа аҳмоқларнинг хатти-ҳаракатларига суст муносабат кўрсатиб келаётганидан ҳайратдаман”, – деган Ким Ё Чжон.
Кейинчалик Жанубий Корея ушбу баёнотга муносабат билдирди. Хусусан, мамлакатнинг бирлашув вазирлиги Ким Ё Чжон сўзларидан чуқур таассуфда эканини маълум қилган.
