Шимолий Корея Украина ҳудудларининг Россия томонидан аннексиясини тан олди. У бу ҳаракатни маъқуллаган дунёдаги илк ва ягона давлат бўлиб турибди.
“Биз Донецк ва Луганск халқ республикалари, Херсон ва Запорожье вилоятлари аҳолисининг танловини ҳурмат қиламиз ва Россия ҳукуматининг юқорида қайд этилган ҳудудларни ўз таркибига қўшиб олишини қўллаб-қувватлаймиз”, – дейилади КХДР ТИВ баёнотида.
Пхеньян “референдумлар” БМТ уставига тўлиқ мос равишда ўтказилган.
Маълумот ўрнида: “ДХР”,“ЛХР”, Запорожье ва Херсон вилоятларининг РФ томонидан эгаллаб олинган ҳудудларида 23-27 сентябрь кунлари Россияга қўшилиш масаласида “референдумлар” ўтказилди. Уларнинг барчаси Москва билан “бирлашиб” кетишга розилик билдирган.
30 сентябрь куни бу ҳудудлар Россия томонидан расман аннексия қилинди.