Мадуро АҚШ билан музокараларда истеъфога чиқишга тайёрлигини билдирди
Венесуэла президентининг таъкидлашича, у бу қарорни 18 ойдан олдин амалга оширмайди.
Венесуэла президенти Николас Мадуро АҚШ билан норасмий музокаралар чоғида бир ярим йилдан сўнг давлат раҳбари лавозимини тарк этишга тайёрлигини маълум қилди, деб хабар бермоқда CNN манбасига таяниб.
Мадуронинг таъкидлашича, у бу қарорни 18 ойдан олдин амалга оширмайди, бироқ келгусида давлат бошқарувидан кетишга тайёр. Ушбу баёнот Венесуэла ва АҚШ ўртасидаги эҳтимолий алоқаларни муҳокама қилувчи турли каналлар орқали берилган.
Олдинроқ Wall Street Journal нашри, Трампнинг Мадуро билан суҳбат чоғида агар у ўз ихтиёри билан лавозимни тарк этмаса, АҚШнинг бошқа вариантларни, жумладан, куч ишлатишни кўриб чиқиши мумкинлигини айтгани ҳақида хабар берган эди. Шу билан бирга, New York Times газетаси икки етакчининг шахсий учрашуви имкониятини муҳокама қилгани ҳақида хабар берди.
АҚШ президенти Доналд Трамп телефон суҳбатини тасдиқлади, аммо суҳбат тафсилотларига изоҳ беришдан бош тортди.
