Мбаппе Мессининг рекордини янгилади
У Чемпионлар лигасида 40 та гол урди.
“ПСЖ” ҳужумчиси Килиан Мбаппе голлари сони 40 тага етган энг ёш футболчига айланди. Бу ҳақда “Опта Спортс” нашри хабар берди.
Франциялик форвард 23 ёшу 10 ой ва 13 кунлигида бунга эришди. Бу кўрсаткич бўйича Мбаппе 24 ёшу 4 ой ва 8 кунлигида Чемпионлар лигасида 40 та гол урган жамоадоши, аргентиналик ҳужумчи Лионел Мессининг рекордини янгилади.
Эслатиб ўтамиз, “ПСЖ” Чемпионлар лигаси гуруҳ босқичининг сўнгги турида “Ювентус”ни мағлуб этди. Гуруҳ босқичи якунига кўра, жамоа 14 очко билан иккинчи ўринни эгаллади. Жорий мавсумда Чемпионлар лигасининг гуруҳ босқичида Мбаппе олтита ўйин ўтказиб, 7 та гол урди.
