Мол-мулк солиғи ошиши мумкин
Кўчмас мулкнинг солиқ ҳисоб-китобида янги ёндашув жорий этилади.
Турар ва нотурар жойларга нисбатан мол-мулк солиғи ошиши мумкин. Бироқ, бунда солиқ ставкаси эмас, балки солиқ солинадиган мулкнинг баҳоланиш усули ўзгаради.
Мисол учун, агар сизнинг уйингиз аввал паст баҳоланган бўлса, солиқ ҳам шунга мос равишда кам бўлган. Янги тартибга кўра, мулк қайта баҳоланади ва агар унинг қиймати ошган бўлса, тўланадиган солиқ ҳам ортади.
Президент фармонига кўра:
- 8 миллиондан ортиқ турар ва нотурар жойлар,
- 7 миллионга яқин ер участкалари иқтисодий актив сифатида қайта баҳоланади.
Шунингдек, кўчмас мулкнинг солиқ ҳисоблаш, олди-сотди, гаровга қўйиш ва жамоат эҳтиёжлари учун давлат томонидан олиб қўйиш жараёнларида баҳолаш тизими уйғунлаштирилиши белгиланди.
