Ўзбекистонда поезд кузатувчиси купени пул эвазига ижарага бергани учун суд жавобгарлигига тортилди. Унга икки йил ахлоқ тузатиш ишлари белгиланди.
2024 йил 21 февраль куни Олот–Тошкент йўналишида кузатувчи купени 300 минг сўм эвазига йўловчига тақдим этган. Ҳолат Қизилтепа станциясида аниқланган.
Текширув давомида кузатувчи бу ҳаракатни бир неча бор такрорлагани маълум бўлди. Воқеага алоқадор йўловчи кейинчалик ҳуқуқ-тартибот органларига мурожаат қилган.
Қизилтепа туман суди унга Жиноят кодексининг 131-моддаси асосида ҳукм чиқарди. Кузатувчи иш ҳақининг 20 фоизини давлатга тўлайди ва 1,5 йил давомида темир йўл тизимида ишлаш ҳуқуқидан маҳрум этилди.
Муборак Нурматова