NYT: Россия Украина билан узоқ муддатли низога тайёрланмоқда
Шунингдек, ҳар икки томоннинг музокараларга тайёр эмаслиги қайд этилган.
25 август куни Россия президенти Владимир Путин РФ қуролли кучлари шахсий таркиби сонини ошириш тўғрисида қарор имзолади. The New York Times билан суҳбатлашган таҳлилчилар буни Москванинг Украинада узоқ муддатли низога тайёргарлик кўраётгани билан изоҳлаган.
Экспертлар қуролли можаро кейинги қишгача чўзилишидан хавотир билдирган. Бунга Россиянинг Украина шарқи ва жанубидаги ҳужуми секинлашгани, шунингдек, ҳар икки томоннинг музокара ва келишувларга тайёр эмаслиги сабаб қилиб кўрсатилган.
АҚШ урушни ўрганиш институти (ISW) Россия президенти мамлакатда умумий ҳарбий сафарбарлик жорий этишдан қочаётганини таъкидлаган. Шу билан бирга шахсий таркибнинг оширилиши ҳам қуролли кучларнинг тўлиқ шаклланишига ёрдам бермаслиги қайд этилган.
Аввалроқ Эрдоған Путин ва Зеленскийни учраштириш ниятида эканини айтганди.
