Тошкент вилоятининг Оҳангарон туманида учта автомашина иштирокида йўл-транспорт ҳодисаси содир бўлди.
Ҳолат бугун, 15 июль куни 10:00 ларда Оҳангарон тумани ҳудудидан ўтган халқаро аҳамиятга эга йўлда юз берган. Унда 2002 йилда туғилган ҳайдовчи бошқарувидаги Damas, 1996 йилда туғилган М.Ш бошқарувидаги Gentra ҳамда 1969 йилда туғилган Я.С бошқарувидаги “ISUZU” русумли юк машинаси ўзаро тўқнашган.
Ушбу йўл-транспорт ҳодисаси натижасида Damas ҳайдовчиси М.А турли ҳил тан жароҳатлари олиб, Оҳангарон шаҳар марказий шифохонасига ётқизилган.
Ҳозирда ҳолат юзасидан Оҳангарон тумани ИИБ томонидан суриштирув ишлари олиб борилмоқда.