Олмалиқда ўқитувчилар мажбурий меҳнатга чиқарилди
Ҳозирда ҳолат бўйича мансабдорга чора кўрилган.
Ижтимоий тармоқларда Тошкент вилоятининг Олмалиқ шаҳрида 2-мактаб ўқитувчилари мажбурий меҳнатга жалб этилгани акс этган суратлар тарқалди. Ҳолатга вилоят камбағалликни қисқартириш ва бандлик бош бошқармаси расмий муносабат билдирди.
Аниқланишича, 2-сонли умумий ўрта таълим мактаби директорининг маънавий ва маърифий ишлар бўйича ўринбосари томонидан Меҳнат кодексининг 5-моддаси ҳамда Вазирлар Маҳкамасининг 349-сонли қарорига зид равишда 5 нафар педагог ходимларни маъмурий тартибда ободонлаштириш ва кўкаламзорлаштириш ишларига жалб этилган.
Мансабдорга Маъмурий жавобгарлик тўғрисидаги кодекснинг 294-моддасида назарда тутилган ҳуқуқ ва бурчлари тушунтирилиб, унга нисбатан мазrур кодекснинг 51-моддаси 2-қисмига асосан маъмурий таъсир чораси қўлланилган.
